مساواة عالزووم: الملصق الفلسطيني مع عامر حليحل

عالزووم - الحقة الكاملة
05-05-2021

بتذكر أول مرة زرت القاهرة، كان عمري تقريباً 15 سنة- كنت في ريعان شبابي، وفي أوج مراهقتي مع خط شوارب أصلي لم يحلق بعد- ومن بين كل الأشياء الي كنت مش عارف شو بدي اعمل فيها بحياتي، كان في شغلة وحدة متأكد منها وعارف ومذوّت، وهي اني بدي أكون ممثل مسرح، بدي أصير عادل امام الثاني - تخيّل حضرتك- المهم وشو بدكو بالطويلة، اكثر شيء كان مُبهر بالقاهرة، غير ضخامتها وازدحامها ومعالمها واهراماتها وابو هولها، وسيدنا الحسين والسيدة زينب، والمعادي والزمالك وخان الحرير وميدان التحرير وووووووو- حدّث ولا حرج، اكثر اشي مبهر الي كان يافطات وبوسترات العروض الفنية والمسرحيات، يمكن لأول مرة كنت بلتفت بشكل حقيقي وبخترقني عالم البوستر، صور عادل امام مع عنوان مسرحية الواد سيد الشغال في كل مكان، لأول مرة كان عندي لحظة الانكشاف على حلم جديد، مش بدي اصير عادل امام وبس، بدي صوري تنتشر في كل مكان متل عادل امام- طبعاً، ما هو ما حدا احسن من حدا- روحت الى الوطن، ومن لحظتها صرت اهتم بكل ملصق بصادفة، عروض مسرحيات، منتوجات بيتية، افكار سياسية، ومناسبات وطنية… من وقتها صرت مشغول بشكل البوستر الأول الي راح يحمل صورتي، وكيف الناس راح تتعامل معه، وقديش نيالهن هادول الناس الي صورهن بتطلع على الملصق..

والصراحة اجا اليوم الي طلعت صورتي على ملصق، ومن هديك اللحظة بطّل لصورتي على الملصق مفعول، صار يهمني اكتر كيف نعمل ملصق يبيع العرض المطروح ويجذب الناس ويخليهن يهتموا بالعرض- ما انا كمان اكتشفت اني مش عادل امام، واخد بالك حضرتك؟- بس كمان اجت المرحلة الي بطل الترويج الآني الاعلاني للعرض هو المهم للملصق وشكله وفكرته، صار ارتباطه مع العمل هو المهم، صار تفسيره لشو عم نقدم بالعرض هو المهم، صار جزء لازم يعيش مع العرض طول ما العرض عايش، ومش بس هيك صار التفكير انه الملصق راح يضل عايش بعد العرض، يعني صرت افكر انه كيف الناس راح تفكر عن العرض لما يشوفه الملصق تبعه بعد عشرين سنة من انتهاء العرض… شغلة مش بسيطة الملصق، شغلة مهمة جداً في شكل الشعوب، وفي حشدها وراء فكرة وفي جمعها حول جماليات معينة، ثورات الشعوب ارتبطتا مع الملصق وتنيناتهن عبروا عن بعض وتطوروا مع بعض..
بفكر انه اجا الوقت نعلن عن عنوان هذه الحلقة، الملصق الفلسطيني، هل ما زال يلعب نفس الدور مع تغيير اشكال الانتشار؟
يلا عالزووم



تعريف واستقبال الضيوف

الأعزاء، مشاهدات ومشاهدي قناة مساواة، رمضان كريم وكل عام وانتم بخير
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…


----------

في هاي الحلقة من برنامج "عالزووم" راح يكون معي مصممين ورسامين ومختصين في مجال الملصقات، انا كتير سعيد اني احاور،

عبد طميش - مصمم ورسام كاريكاتير
مؤسس مكتب اندرجراوند في للتصميم الفني - حيفا
لقب اول بموضوع الاتصالات المرئية

ورد جرايسي - مصمم جرافيكي
منتج ومصمم لحملات اعلامية سياسية واجتماعية،
الى جانب مشاريع التسويق التجارية.

نايف شقور مصمم ورسام
لقب اول تصميم
لقب ثاني رسوم متحركة

يلا عالزووم



الحوار الخاص
بدي أبدا مع عبد، اهلا وسهلا فيك في البرنامج وشكرا على تواجدك معنا، السؤال الأول عبد في هاي الحلقة يتعلق بالجماليات والتاريخ شوي، كلنا منشوف ملصقات يومياً حوالينا، بس بدي تحطنا في سياق تطور الملصق وجمالياته وتقنياته اذا امكن!

وهون بدي اضم نايف شقور للمحادثة، اهلا وسهلا فيك في برنامج عالزووم وشكرا على تواجدك معنا، نايف السؤال الك هو نوعاً ما مكمل لسؤال عبد، الملصق في بداياته كان يعتمد مقابل الكلمة على رسمة، يعني الرسم والفن التشكيلي كان حاضر فيه وعنصر أساس من عناصره، هل الرسم ما زال حاضراً في ملصقاتنا اليوم، والا التقنيات الحديثة لغت دور الرسام؟
وهون اسمحولي اضم للمحادثة ورد جرايسي، اهلا وسهلا ورد وشكرا على وجودك معنا في برنامج عالزووم، السؤال ورد الك هو كالتالي، شو هو الملصق الناجح؟ يعني شو سر نجاح ملصق؟ كيف انا اليوم صاحب فكرة سياسية او مشروع اجتماعي او صاحب منتوج تجاري كيف بقدر اعرف انه الملصق ناجح؟ وهل مبادىء نجاح الملصق تغييرت مع السنين والا المبدأ مبدأ غير متغيير حتى في الحكم على ملصق؟






قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬