عالزووم

عالزووم: الاحتباس الحراري، هل للفلسطيني دور في حماية الكوكب؟

مسا الخير
مرة واحنا قاعدين نحضر مسلسل بداوي على التلفزيون الأردني في شنوات التسعينات الأولى في اعالي جبال الجليل، الدنيا اواخر صيف بداية الخريف، النسمة عليلة تميل الى البرودة - في احساس انه هاي بداية رواية رومانسية تقرأ على ضوء السراج- المهم، امي اعلنت وبصوت يخلو من الشك، انه الاسبوع القادم كلنا رايحين نزور دار فلان الفلاني- كما عودناكم اعزائي المشاهدين والمشاهدات، الاسماء كلها محفوظة في ملف التحرير- طبعاً تمرّد اخوتي جميعهم -لا عن جد عم بتصير رواية- كل اخوتي قالوا مش رايحين، وانا مقدرتش انضم للتمرد، لأني كنت اصغر واحد - بعرف انه يصعب عليكم تخييل هاد الاشي كأصغر اشي- المهم رحنا انا وابوي وامي عند دار فلان الفلاني، وامي حاملة كيس كبير فيه علبة ملفوفة بورق سيلوفان، اكيد فيها طقم فناجين او طقم كبايات او جاطات، او الهدية التاريخية عند الفلسطيني وهي صفط سيلفانا، دخلنا، رحبوا الجماعة فينا افضل ترحيب، وبديت صواني الضيافة تنهال علينا، حلويات ومكسرات ومشروبات غازية وغير غازية يها كميات سكر ممكن تكفي مونة لقرية صغيرة في جبال الهمالايا، وقعدوا الكبار وتحكوا، ومن حديث لحديث وانا قاعد وبلهط كل شي بنحط قدامي وبشرب كبايتي وكباية غيري، وامي تبحرني وانا ولا كأني بعرف مين هاي المرة.
بالطريق للبيت، انا كنت مدشوم وقاعد بالسيارة من ورا وبفكر قديش اخوتي تيوس انهن ما اجو على هالقعدة المحترمة، والا امي بتقول بدون مقدمات: يخفيلهن هالشكل، حدل بضيّف بصحون وكبايات بلاستيك؟ مش عيب عليهن؟ بستحوش؟ شو احنا ولاد صغار؟
وابوي قال مؤكداً انه لولا العيب كان قلب الطاولة على خلقتهن وقام روّح!
انا حاولت انقذ الموقف وقلتلهن انه البلاستيك مش عاطل وهيك بوفروا جلي وبوفروا مي وبحافظوا عالبيئة.
نهرت عليّ امي وقالتلي يحافظوا عالبيئة لما فش عندهن ضيوف، اما لما بيجي عندك ضيف من السنة للسنة عيب تقدملوا ببلاستيك، عيب!
وراحت ايام وسنين واجت ايام وسنين والبلد كلها قلبت بلاستيك، وصار الي بقدم بقزاز اهبل وتبفهمش، القهوة ببلاستيك، المي ببلاستيك، المعالق، الشوك السكاكين الكاسات الجاطات، لو شوي الأكل صار بلاستيك..
صار كتير محترم تقدم ببلاستيك، بطّل حدا ينهان، بالعكس، صار الي بيعطيك كاسة قزاز تقله يا زلمة لأيش قزاز؟ جلي وغلبة، بلاستيك احسن اشي البلاستيك!
صرنا نوفر شوية مية الجلي وبس عم نصرف الكوكب كله، وعم منراكم فيها كميات نفايات لا تُصرف ولا تتحلل ولا تختفي وانما عم تاكل البحر كمان..
بتخايل صار واضح عنوان الحلقة، الاحتباس الحراري، هل للفلسطيني دور في حماية الكوكب؟

INTRO GFX

تعريف واستقبال الضيوف
2
الأعزاء، مشاهدات ومشاهدي قناة مساواة،
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…


----------

في هاي الحلقة من برنامج "عالزووم" راح يكون معي اشخاص من عدة مجالات يشغلهم وضع الكوكب والبيئة، انا كتير سعيد اني احاور،

قصي يعقوب الحلايقة
صحفي فلسطيني مهتم بالعلوم الأرصاد الجوية،
مؤسس موقع طقس الوطن الإلكتروني

د.عبد الله خطبا
مدير مركز فضاء الناصرة والمبادر لبناء أول قمر صناعي
تم بناؤه في المركز على يد طلاب ومهندسين عرب

ألاء عبيد
مديرة مشروع بناء القدرات المحلية للصمود أمام التغيير المناخي في جمعية الجليل حاصلة على بكالوريوس في العلوم البيئية ماجستير في الإدارة المتكاملة لموارد المياه

دكتور مصطفى عصفور
عالم فلكي، دكتوراه في علوم الأرض والفضاء، محاضر ومعيد في الجامعات وصاحب دار الثريا للدراسات الفلكية والعلمية

يلا عالزووم

قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬

حلقات كاملة

كل الفيديوهات

فيديوهات متعلقة

< كل البرنامج

برامج متعلقة

< كل البرنامج