مساواة عالزووم: الاغاني الشعبية... تراث حاضر ام فلوكلور دخل المتاحف؟

عالزووم - الحلقة الكاملة

افتتاحية الحلقة

مسا الخير
بتذكر انه اكتر منطقة في زفة العرسان كنت احبها بأعراس وزمان، هي منطقة الحدود ما بين نهاية صف السحجة تبع الرجال، وبداية زفة النساء من وراء العرسان، هيك كان عنا في البلد العادة، الزلام بصفوا صف طويل بطوفوا الشوارع قدام العرسان كأنهم بفتحولهم طريق وبغنوا طلعه الزين من الحمام، وشد عنانك يا خيّال، ويا مرحبا بضيوفنا يا ميت مرحبا.. والنساء من ورا العرسان بغنوا وراهم، العبي يا لعيبة واعتلي يا قمر، او ، من وين جبت الحنّا عامر يا عريس، الحنا من عنا والبدلة من باريس،- مع انه البدلة ماكسيموم من حيفا- المهم منطقة الحدود كان ممكن تسمع فيها الشقتين، سحجة الزلام واغاني النساء، وهاي الاغاني كانت مفهومة ضمنا وقائمتها لا تتغيير، يعني من سابع المستحيلات انه اغنية مش موروثة من ست ست ستي تلاقي طريقها لقائمة اغاني الزفة، يعني بتذكر سألت امي مرة انه ليش بتغنوش ميّال تبعت عمرو دياب ورا العرسان؟ قالتلي: لأ يما، مش اوصل هاي، الزفة الها غنانيها حفظناها من ستتاتنا الي حفظوهن من ستتاتهن - طبعاً المتوالية ممكن تكمل ساعتين لأنه فش ست ما عندها ست- المهم اني من وقتها بحب الاغنية الشعبية وبأي لحظة بشم ريحة اغنية بعرفها برجع بالذاكرة لهناك، لصوات الدرابيك الفخار، وسماعات البوق وريحة الكولونيا ورشات الرز من كل بيت تمرق الزفة تحته، والورد وصواني الدخان، واباريق المي، وجاطات الحنّة وصدور بدلات العريس والشبين، ولبن ورز وكبة نية وكدر اللحمة- خلص اسا ببكي، وغير اني جعت كمان- اجا الوقت نقول انه عنوان حلقتنا لليوم هو الاغاني الشعبية، تراث حاضر ام فلوكلور دخل المتاحف؟
يلا نبدا

تعريف واستقبال الضيوف

الأعزاء، مشاهدات ومشاهدي قناة مساواة، كل عام وانتم بخير ورمضان كريم
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…

في هاي الحلقة من برنامج "عالزووم" راح يكون معي مختصات في مجال الأغنية الشعبية، انا كتير سعيد اني احاور،

نائلة لبس - باحثة في الفلكلور الفلسطيني
متخصصه في الاغنية النسائية في الفلكلور الفلسطيني
معلمة موسيقى متقاعدة

ماجدة صبحي - باحثة مهتمة بمجال التراث الفلسطيني
حكواتية
مؤلفة كتاب زفة وزغروته حول فلكلور بيت صفافا

آية خلف - فنانة ومدرسة تربية موسيقية

الحوار الخاص
بدي أبدا مع نائلة لبّس، اهلا وسهلا فيكي وشكراً على تواجدك معنا في برنامج "عالزووم"، السؤال الي بدي افتتح فيه الحلقة هو توضيحي، يعني نحن نقول عادة اغنية شعبية وفلكلورية، ولكن انا اعرف انه عندك موقف من دمج التعريفين وكأنهن بعبروا عن شيء واحد، يا ريت تنورينا بالفرق ما بين الاغنية الشعبية والاغنية الفلكلورية.

وهون بدي اضم للمحادثة ماجدة صبحي، اهلا وسهلا فيكي وشكراً على تواجدك معنا، السؤال الك اخت ماجدة هو كالتالي، ارتبطت الاغنية الشعبية والاغنية الفلكلورية عادة بلحظات ومواقف سياسية في الاجواء الفلسطينية، يعني متل اغنية حيّد عن الجيشي مثلاً، ليش في هالقد تواصل بين الاغنية العبية وبين الذاكرة التاريخية والسياسية عند الفلسطينيين؟

وأخيراً بدي أضم آية خلف، اهلا آية وشكراً على تواجدك معنا، سؤالي الك آية هو تابع لعالم الأطفال والطلاب، هل عن جد جيل التيك توك بعده قابل انه يتناول الاغنية الشعبية ويتواصل معها ويحس جزء منها في هالأيام؟

الحوار المفتوح

المحور الاول الي بدي ابدا فيه حوارنا المفتوح هو، ليش احنا بحاجة نحافظ على الأغاني الشعبية، يعني احنا مش مهتمين نحافظ على شو غنا عمرو دياب قبل تلاتين سنة ولا شو غنت سميرة سعيد من عشرين سنة، ليش مهتمين نحافظ على اغاني شعبية ألفوها ولحنوها قبل مئات السنين وطبعا بسبب شعبيتها تحولت وتحورت وتغييرت واختلفت من مكان الى اخر؟

طب السؤال الي جاي هو شوي بحاول يكون علمي، شو هي الدلالات الي بتحدد شو هي الاغنية الشعبية، يعني شو هي تعريفات الأغنية الشعبية؟ وهل ممكن انه تراث الاغاني الشعبية قابل انه يتحدّث وينزاد عليه اغاني جديدة نصير نعتبرها كمان هي شعبية وتراثية؟


قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬