مساواة عالزووم: 45 عاماً على يوم الأرض، ذكرى أم واقع لم يتغيّر.. مع عامر حليحل

عالزووم - الحقة الكاملة
31-03-2021

مسا الخير
بذكر مرة وانا في الجامعة- الا مش انا كنت بالجامعة- كنا نرتب لتظاهرة في ذكرى النكبة، مش تظارة، وقفة، شعارات وصور تاريخية وحطّات، وبتذكر اني شفت شب بتعلم معي بواحد من الكورسات، سلمت عليه، وسلم عليّ، ودعيته عالوقفة، وبسرعة وبدون تأتأه قلي انه هو بشتركش بوقفات ومظاهرات وتظاهرات، لأنه هاي اشياء بتجبش نتيجة وبتعملش اشي.. قلتله مبلا بتقدر تعمل اشياء حتى لو بالأساس معنوية متل انه نحافظ على ذاكرتنا، قام خمعني جواب - مجبور اقول خمعني، لأنه جوابه كان متل كفّ- قلي: "انا عايش اليوم، ما اليش بشو صار مبارح وقبل خمسين سنة والا قبل عشرين سنة، شو بفيدني اتذكر، بفيدني اتعلم كيف امشي لقدام مش كيف ارجع لورا..
الصراحة انا انخمعت الجواب وبخعت وذُهلت وصابتني الصفنة ومعرفتش اقلّه الجواب الطبيعي والبسيط والعضوي والأوّلي بإنه لولا هاي الذاكرة انت بتكنش اليوم كيف بتعرف حالك وفش عندك وين تروح بكرا!
ولحد اليوم متاندم انه الطالب الجامعي الي كنته في ريعان شبابي - بقدرش، عن جد بقدرش بدون مصطلحات من قاع الدست- متندم انه معرفتش اجاوبه هاد السؤال واني سكتت…
بس الحق يقال من وقتها بلش شعور الاهتمام بالذاكرة والذكرى يتطوّر عندي وياخذ حيّز في حياتي الشخصية والمهنية. بس يعني مرات بفكّر انه عن جد، ليش احنا بطبيعتنا منتمسك بالذاكرة، ليش الذكرى مهمة النا عشان نقوم بكرا، ليش احياء ذكرى معيّنة مربوط بمستقبلنا، ليش منورّث اولادنا وبناتنا ذكرى ما عاشوها، وما جربوها، وللوهلة الأولى هني مش بحاجة الها، ليش بنتي لازم تعرف عن ذكرى يوم الأرض الي صارت قبل ابوها يخلق؟ شو الحاجة للذكرى؟ وهل عن جد بفرق اذا عشنا الذكرى او ما عشنهاش؟ وهل كل ما بعدنا عن الذكرى زمنياً بالضرورة منبعد عنها معنوياً ووجدانياً وبتصير تأثر فينا أقل؟ المقصد من كل الي عم احاول احكيه، مين معه حق أكثر، انا والا زميلي في الجامعة الي عايش اليوم بيومه وما اله بشو صار مبارح؟
بتخايل صرنا نقدر نقول انه عنوان الحلقة، 45 عاماً على يوم الأرض، ذكرى أم واقع لم يتغيّر.
يلا نبدا

تعريف واستقبال الضيوف

الأعزاء، مشاهدات ومشاهدي قناة مساواة،
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…


في هاي الحلقة من برنامج "عالزووم" راح يكون معي أشخاص شهدوا على يوم الأرض وكمان أشخاص يعملون على ابقاء الذكرى حيّة انا كتير سعيد اني احاور،

توفيق كناعنة (ابو ابراهيم) - شاهد على احداث يوم الارض

مقبولة نصار - ناشطة ومذيعة في راديو الشمس

اعلامية، ناشطة نسوية وسياسية
موثقة القرى الفلسطينية المهجرة

عمر ابو ريا - جريح يوم الارض

أمل عرابي - محامي ومخطط مدن

ناشط في مجال الإسكان والتطوير العمراني
لقب ثاني تخطيط مدن من الجامعة العبرية

يلا عالزووم



الحوار الخاص
بدي أبدا مع أبو ابراهيم توفيق كناعنة، اهلا وسهلا فيك في برنامج عالزووم، وشكراً على تواجدك معنا، انت شاهد على احداث يوم الأرض، اريد تعود معنا الى هناك، الى اليوم نفسه 30.03.1976 وتحدثنا وين كنت وماذا كنت تفعل؟

وهون بدي أضم مقبولة نصار، مقبولة اهلا وسهلا في برنامج عالزووم وشكراً على تواجدك معنا، اهتمامك بهاد اليوم وبهاي الذكرى جزء مش بسيط منه نابع من انه لعائلتك في قصص مع يوم الأرض، بنفع تسلسليلنا قصص العائلة المرتبطة مع ذكرى يوم الأرض؟

وهون خليني اضم للمحادثة عمر ابو ريا، اهلا وسهلا فيك وشكراً على حضورك، سؤالي الك هو كالتالي: انت جريح ومصاب يوم الأرض، وكان عمرك 18 عاماً وقتها، وعادة كلمة جريح او مصاب عنا اصبحت عامة وما الها وقع شخصي على اذهانا، كل يوم منسمع مصابين وجرحى واصبح فقط تعدادهم مهم ومش قصصهم، بس انا بدي عن طريقك نرجّع شوية معنى للكلمة وبدي تحميلي عن اصابتك وكيف صارت؟

وهون بضم أخيراً أمل عرابي، اهلا فيك وشكراً على مشاركتك معنا في برنامج عالزووم، السؤال أمل هو، يعني انت من شريحة جيل لا تربطها مع احداث يوم الارض علاقة اولى، لم تكن هناك، ولم تعش الاحداث، شو بخليك تهتم في هذا الأمر، ليش مهم الك؟ ومن اي مكان جاي هذا الاهتمام والاهمية؟



قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬