مساواة عالزووم: التعلم عن بعد مقابل التعلم الوجاهي مع عامر حليحل

عالزووم - الحلقة الكاملة
07-04-2021


الصراحة، قبل بسنة لما قالولنا انه التعليم والاجتماعات واللقاءات راح تصير عبر الكاميرا والزووم، واقتحمت عالمنا- اقتحمت كلمة جميلة جداً بس للأسف احنا دايماً منحطها بسياقات سلبية، مش حلو مننا بالمرة- لما اقتحمت عالمنا كلمة تعليم وجاهي، يعني التعليم العادي الي كنا منعرفه كل عمرنا، فجأة صار بعيد عننا وصار لازمله تعريف، يعني زمان كنا نقول بتعلّم بالمدرسة، يتعلّم بالجامعة، بتعلّم صنعة، وخلص، عملية التعليم كانت واضحة وبسيطة ومفهومة ضمناً، بتروح على محل بعلمك وبتتعلم، بس لما شرفت الكورونا، انجبرنا مش بس نتعلم من البيت، انجبرنا كمان انه نعيد تسمية اشي منعرفه من آلاف السنين - بالزبط زي ما ابن عمك بتجوز وحده اسمها شريهان واختك اسمها شريهان، بتعدش تقدر تقول جملة متل: حكيت اليوم مع شريهان، بصير لازم تقول حكيت اليوم مع شريهان اختي، او شريهان مرة ابن عمي! - واحنا هيك صابنا مع التعليم، صار لازم نقول وجاهي وعن بعد - سقالله على ايام زمان، ايام زمان كانت ابسط الناس كانت عايشة عالبساطة والقناعة- المهم انه كل الي حكيته لأسا مش مهم، المهم هو انه لما بلش التعلم عن بعد كنا نفيق كل العيلة من الساعة 06:30 نتحمم وننظف البيت ونرتب ونفطر ونقعّد بنتنا او ابنا قدام الشاشة وبقمة الانفعال نزرع بسمة من الذان للذان عوجوه الكل ونكبس على رابط الزووم ولما تفتح الشاشة ونشوف وجه المعلمة المشرق مع وجوه الطلاب المشرقين، مع بعض متل الجوفة نقول: صباااااح الخيييييير…

كنا مبسوطين، منفعلين، ومحبوسين ومش فاهمين انه الشغلة راح تسحب سنة وشوي معنا- والله يستر من الجاي- اليوم صرنا نقول لاولادنا ما يفتحوش الكاميرات احسن ليشوفوا البيت عايم، وصرنا نفرك اسنانا بعد الزووم الأول ونفطر الساعة 12:00 ويا ويله الولد او البنت الي بطلب من ابوه او امه يفتحله الزووم، قوم فز افتحه لحالك، صرت بصف رابع وبعدك بتعرفش تفتح زووم؟ لو انه نتفليكس كنت صرت حضران اربع حلقات، لأيش ببعتك عالغرفة تتعلم انا لأيش؟
يبدو انه لازم اوقف هون قبل ما انجرف زيادة عن اللزوم واقول وأعلن انه حلقة اليوم من برنامج عالزووم هي بعنوان التعلم عن بعد مقابل التعلم الوجاهي، ماذا تعلمنا؟ اذا تعلمنا من أصله.


الأعزاء، مشاهدات ومشاهدي قناة مساواة،
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…

في هاي الحلقة من برنامج "عالزووم" راح يكون معي مدراء مدارس واشخاص فاعلون في المؤسسات التعليمية، انا كتير سعيد اني احاور،

د. حارث ابو ليل - مدير مدرسة جبل سيخ
عضو في لجنة متابعة قضايا التعليم العربي

نسرين عودة - مديرة مدرسة الأحمدية في الكبابير - حيفا
مرشدة لوائية في موضوع الحاسوب سابقا

اميرة عزب - مستشارة تنظيمية ومحاضرة في مجال القيادة
موجهة تربوية
موجهة في مراكز محاكاة ضمن مجال التربية والتعليم

د. شرف حسان - رئيس لجنة متابعة قضايا التعليم العربي
دكتوراه في علم الاجتماع من جامعة تل ابيب
مربي ناشط في مجال التربية والتعليم منذ اكثر من 20 عام

الحوار الخاص
بدي أبدا مع حارث ابو ليل، اهلا وسهلا فيك وشكراً على تواجدك معنا في البرنامج، سؤالي الك هو كالتالي، شو كان اصعب أمر في عام اختلط فيه التعليم ما بين الوجاهي وما بين التعلم عن بعد؟

وهون بدي أضم نسرين عودة، تحية الك وشكراً على تواجدك معنا في برنامج "عالزووم"، السؤال الك يقول: انت مديرة مدرسة، ومررتوا عاماً يعني بالعربي المشربح كتير مكركب، كيف كان ممكن تديري مدرسة عن بعد؟ كيف بعملوا هيك اشي؟

وهون بدي اضم للمحادثة أميرة عزب، اهلا وسهلا وشكراً على تواجدك معنا في البرنامج، أميرة السؤال هو انه كل السنة كنا نسمع عن جهوزية الطالب وجهاز التعليم في عام الكورونا، لكن مش كتير تطرقنا لجهوزية الأهل خلال هاد العام؟ انا أب لطالبة وبقدر احكيلك انه مكنتش سنة هوينة!

وأخيرا بدي أضم للمحادثة شرف حسان، اهلا وسهلا فيك وشكرا على تواجدك معنا في برنامج عالزووم، السؤال شرف لك من موقعك كرئيس لجنة متابعة قضايا التعليم العربي،


قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬