مساواة عالزووم: العنف والجريمة.. هل من مخرج؟ وهل من مجيب؟ مع عامر حليحل

مساواة عالزووم الكاملة
26-03-2021

هاي يمكن من اصعب الافتتاحيات في هذا البرنامج، فكرت كتير كتير كيف ممكن تكون افتتاحية بتشبه باقي افتتاحيات عالزووم، تكون خفيفة ومرحة وبنفس الوقت تجيبنا للب الموضوع، والمشكلة انه بهاي الحلقة كيف ما قلّبتها، ما في اشي خفيف طلهع بمخّي، كل الي طلع هو لب الموضوع، الموضوع الي شاغلنا كلنا آخر كم سنة، وعم يبدا يتشعّب ويتمدد ويخترق ويتوسّع بشكل افقي وعرضي وطولي وعامودي، فيه اشي فيه بشبه نقطة يود بتنزل في كاسة ميّ صافية ومن نقطة السقوط تبعتها بتبدا تفلش شوي شوي وخيوطها بتخترق صفاء الميّ لحد ما تصبغ الكاسة كلها، ومن لحظتها المي بتبطل تقدر ترجع لنفسها ولصفاءها…
انا لهالدرجة مخوفني الموضوع، لهالدرجة شايف خيوط اليود عم تفلش في كاستنا، يمكن بعده مش صابغ كل الكاسة، بس اذا ما تحركنا واذا ما عرفنا ننقذ ما تبقى من صفاء الكاسة، راح ننصبغ كلنا…
مش القصد انه احكي الغاز واجيب تشابيه لأجل الحنكة ولأجل التذاكي، التشبيه جاي من قلّة الحيلة وبالتالي قلة القدرة عن التعبير…
زمان.. مش كتير زمان.. كانت طلقة ببلد تهز كل الكائنات، كان السلاح قطعة نادرة وموجودة بين ايدين قليلة وعادة مشبوهة، كانت حادثة قتل تشغل بال الناس وتزعزع كيانهم.. يعني انا بتذكر انه في قريتي الحبيبة صار في حادثة قتل بسنوات التسعين، وبتذكر انه البلد كلها يمكن شهر ما عرفت النوم، كان الاشي مش مقبول على العقول، انه قتل؟ في البلد؟ مش ممكن!!
اليوم في احساس انه بلشنا نسلّم للفكرة، وانه هاد موجود ولو شوي عادي، وانه تُقتل هاد صار اشي لازم تاخده بالحسبان حتى لو انك مش عامل اشي بستاهل، طبعاً كلمة بستاهل بين اقواس…
شو صار؟ كيف وصلنا لهون؟ شو تغيّير علينا؟

بتخايل فش حاجة اقول انه عنوان الحلقة، العنف والجريمة، هل من مخرج؟ وهل من مجيب؟
يلا نبدا

الأعزاء، مشاهدات ومشاهدي قناة مساواة،
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…

في هاي الحلقة من برنامج "عالزووم" راح يكون معي أشخاص يعملون ليل نهار عشان يحاولوا يحدّوا من ظاهرة العنف والجريمة، انا كتير سعيد اني احاور،

ليندا خوالد ابو الحوف - مركزة مركز مساعدة ضحايا العنف في جمعية نساء ضد العنف
موجهة مجموعات في مجال تمكين المرأة والعنف

رضا جابر - مدير مركز "أمان"

محمود نصار - مركز لجنة مكافحة العنف في اللجنة القطرية لرؤساء السلطات المحلية العربية
ومدير سابق لدائرة الرياضة والثقافة والشباب في بلدية الناصرة

محمد خضر - ناشط اجتماعي وسياسي
وعضو في الحراك الفحماوي الموحد

الحوار الخاص
بدي أبدا مع رضا جابر، أهلا وسهلا فيك في برنامج عالزووم، السؤال الك جاي من اسم المؤسسة التي تديرها، الأمان. هل فعلاً فقدنا شعور الأمان في السنوات الأخيرة لأنه العنف زاد، ام انه صرنا نعرف عنه اكثر بسبب شبكات التواصل وبسبب سهولة نقل المعلومة؟ يعني القتل كان في الزمانات خبر في جريدة او راديو واليوم هو فيديو من قلب الحدث بوصل خلال دقائق لكل تليفونات الناس.

وهون بدي أضم للمحادثة الأخت ليندا خوالد ابو الحوف، أهلا وسهلا فيكي وشكراً على تواجدك معنا، ليندا السؤال هو انه احنا شهدنا في عام الكورونا ازدياد في حوادث العنف العائلي وضد النساء بشكل خاص، انت كمديرة مركز مساعدة هل عم بتلاحظي انه في زيادة في علاج حالات من هالنوع، يعني تصل الشرطة والسلطات المسؤولة شكاوى اكثر، هل بالمقابل عم تعلى نسبة الاهتمام في معالجة هاي الشكاوي؟

وهون بدي اضم للمحادثة محمود نصار، اهلا وسهلا فيك وشكراً على حضورك معنا، سؤالي الك هو انه صار معروف بأنه الاجرام المنظم هو المسيطر على حالة العنف في البلد، وانه هذا ليس عنف عشوائي حتى وان لم تخلو الحالة من عنف عشوائي، كيف لمجتمع أعزل ان يحارب اجرام منظم؟ هل في بإيد لجنة المتابعة لجنة رؤساء السلطات المحلية مثلاً ادوات لمحاربة جريمة منظمة؟



قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬