مساواة عالزووم: أفضل ريجيم.. هل هناك شيء من هذا القبيل؟

عالزووم - الحلقة الكاملة

مسا الخير
هاي الحلقة كتير شخصية، يعني ولا لحظة فكرت بشو معناها للعام ولإلكو المشاهدين، فكرت فيها عشاني، واشتغلت عليها عشاني، واتعبت فريق الاعداد والانتاج عشان تصير عشاني، وغلبت ضيوف كرام ييجوا عالزووم عشاني -بتخايل اذا كمان مرة بقول عشاني راح تسكروا شاشتكم واضلني احكي لحالي.
المهم القصة بلشت عندما كنت فتىً يافعاً في رحاب الجليل الأعلى - يا سلام على الرومانسية- وبيوم مشمس من ايام تموز، وقعت عن بسكليتي وطرت في الهواء وخمعت في باب جيران وكسرت اجري الشماال وجبصنوني من كف اجري الى اعلى ظهري وطُرحت على الفراش اكثر من اربع اشهر..- نعم نعم بعرف قديش انا بحزّن وبعرف قديش انتو متعاطفين معي ومع مصابي الأليم- بهاي الأربع اشهر مكنتش قادر اوقف على اجريّ ومكنتش قادر اوقف أكل، وبعد اربع اشهر طلعت من المحنة رجُل - مش بالمعنويات- انما بالوزن..
زدت بالوزن- زدت بالوزن قال- فُرت، فلشت، اتبعثرت، انتشرت.. ومن هداك النهار في نهاية ثمانينيات القرن الماضي- وانا مشغول بشغلة اساسية وحدة كبيرة، الا وهي، كيف اتخلص من الكيلوهات المتراكمة وارجع حليوة وسيمباتيك- وخفيف كنسمة هواء لا تقوى على ان تحرّك حتى زهرة- وطبعاً متل ما انتو شايفين، نجحت في المهمة، نجحت باني لحد اليوم بعدني بحاول اتخلص من كيلوهات الثمانينيات من القرن الماضي- ثاني مرة بقول ثمانينيات القرن الماضي اذا ملاحظين- جربت كل الطرق، اخدت كل الأدوية، قطعت الدهنيات، وقطعت السكر، قطعت الخبز، وشربت خل التفاح عالريق، وعملت رياضة -مش عن جد عملت رياضة، اقنعت حالي انه التمشاية نوع من انواع الرياضة- فش وصفة الا ما جربتها، وعبث! مش انه ما نزلتش بالوزن مرات، بس النزلة كانت دايماً تستناها طلعة، والطلعة كانت دايماً اكبر من النزلة، متل الأكورديون بحس حالي، بس بعدني مآمن اني بقدر انزل النزلة الكبرى ، وما اطلعش الطلعة الأكبر منها، كيف ووينتا وبأي طريقة؟ عشان هيك مجتمعين احنا بهاي الحلقة الي صار واضح الكو عنوانها، أفضل ريجيم، هل هناك شيء من هذا القبيل؟
يلا نبدا

تعريف واستقبال الضيوف

الأعزاء، مشاهدات ومشاهدي قناة مساواة، كل عام وانتم بخير ورمضان كريم
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…

في هاي الحلقة من برنامج "عالزووم" راح يكون معي مختصات في مجال التغذية وصحة الجسم، انا كتير سعيد اني احاور،

سوزان يعقوب نقولا - مستشارة تغذية وعلاج بالطب الطبيعي
حاصله على لقب Naturopath Doctor
محاضرة بالمجال بأكثر من كلية بالبلاد
وصاحبة عيادة علاجية بالتغذية والاعشاب.

هناء عودة - معالجة بالطب الطبيعي عن طريق التغذية، الاعشاب والمكملات التغذوية.

سجى كبها - اختصاصية تغذية علاجية

ايمان مره - مدربة لياقة بدنية
وصاحبة نادي رياضي للنساء

الحوار الخاص
بدي أبدا مع سوزان يعقوب نقولا، اهلا وسهلا فيكي في برنامج عالزووم وشكرا على تواجدك معنا، السؤال الك سوزان يعني زمان اهالينا واجدادنا كانوا منظمين جدا من ناحية الأكل، وما كانوا يفكروا بالموضوع تقريباً، يصحوا يفطروا، يتغدوا بعد ساعات شغل في الحقل او في الورشة او اي مكان عمل آخر، ويتعشوا لما يحسوا انه قرب وقت النوم، وهاد هو، الاكل مربوط بسير اليوم، ليش اليوم مع انه العالم مفروض تقدّم والناس صارت واعي اكقر، صار بحاجة نشدد على اهمية النظام بالأكل مع انه كان مفهوم ضمنا على مدار مئات ان لمك يكن آلاف السنين قبل؟

وهون بدي اضم للمحادثة هناء عودة، تحياتي هناء وشكراً على تواجدك معنا، السؤال هناء هو كالتالي، احنا موجودين بشهر رمضان، وانت من المختصين المتحمسين للصيام في الحفاظ على صحة الجسم وتوصيلة لوزن مثالي، تحكيلي كيف مفيد الصيام؟

هاد اشي ازبط وصحي اكثر؟

وهون بدي اضم للمحادثة سجى كبها، اهلا وسهلا فيكي في برنامج عالزووم وشكرا على تواجدك معنا، السؤال الك سجى، انت كاختصاصية تغذية بتلائمي برنامج التغذية لكل شخص حسب ملفه وحسب معايير معينة،

وأخيراً بدي اضم ايمان مرة، اهلا وسهلا فيكي وشكرا على حضورك معنا، ايمان السؤال الك بما انك اخصائية بمجال الرياضة، يعني وحسب كل نظريات وطرق الريجيم وبشتّى انواع الاساليب بالآخر الجميع بقول جملة "ولازم طبعا تعمل رياضة، الرياضة اساسية في نجاح الاسلوب"،

قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬