عالزووم

مساواة عالزووم : الازياء والموضة.. لماذا وما الحاجة؟ .. مع عامر حليحل

عالزووم - الحلقة الكاملة

افتتاحية الحلقة
مسا الخير
امي الله يخليها ويحفظها ويحميها، كانت خياطة عرايس، والي ما بعرف شو يعني خياطة عرايس، هاد الإشي بعني انه البيت من الساعة 09:00 الصبح حتى الساعة 14:00 مليان نساء من نفس العائلة، العروس وخياتها وامها وشبينتها وبنات عمها، كلهن بفصلوا فساتين تليق بالمناسبة السعيدة، وكل وحده منهن عندها الطموح تكون احلا وحدة بالسهرة لما المطرب يغني ويتمايل على انغام اغنية عروستنا الحلوة يا نيسانة يا حلوة، ومن دار لدار يا يا يا يا حلوة- ولا مرة فهمت ليش بالاغاني العربية بحبوا يكرروا كلمات، متل يا يا يا او متل اواوا ووا ووا- المهم، هني مكنش بدهن يكونوا احلا وحدة وبس، هني بدهن يكونوا اكتر اشي عالموضة، الموضة كلمة كانت تقال في بيتنا المتواضع في اعالي الجليل الأعلى ما لا يقل عن 100 مرة بالنهار، " هاد عالموضة" وهاد طلع من الموضة" "وانت شو مفكرة؟ اليوم الموضة هيك" " وانا بدي اشي اخر موضة" و"راح اعملك فستان فش منه ويصير موضة بالبلاد كلها" - هاي امي، هيك كانت تقنع العرايس بقصّات الفساتين-
احنا البشر كتير مشغولين بشو نلبس، وكتير مشغولين بشو غيرنا بلبس، ومشغولين بشو صناع القرار في صناعة الازياء بقررولنا نلبس، يعني حتى الي متلي والي اخر همهم الموضة وعالم الأزياء، متل ما انتو شايفين نفس البلوزة ونفس الجاكيت من يوم ما تعرفنا على بعض- ، بس حتى انا بضلني كل الوقت انتبه لشو الناس بتلبس هالأيام واي نوع قبّة واي قصّة بنطلون، والوان وطول وعرض وكل الذي منه، وقصة الشعر ومدرّج وكاريه وغارسون وغرّة بوني واسا الشباب طالعين بالتشطيب، بخلع الواحد قصة شعر حلوة ومرتبة وبالآخر بشطب 3 خطوط عجنب، كأنه ماكل سكينة، والأنكى هادول الي بشطبوا الحاجب، - ليش؟ لمازا؟ واي؟ بوركوا؟- المشكلة اني جديد فهمت انه في موضة للاكسسوارات كمان، يعني انواع قشط وجزادين وانه مين بلبس هيك حلق بعد اليوم..

.. خلص .. بكفي.. اجا الوقت نقول انه عنوان حلقة اليوم من برنامج عالزووم هو الازياء والموضة، لماذا وما الحاجة؟
يلا نبدا

تعريف واستقبال الضيوف

الأعزاء، مشاهدات ومشاهدي قناة مساواة، كل عام وانتم بخير ورمضان كريم،
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…

في هاي الحلقة من برنامج "عالزووم" راح يكون معي مختصات ومختصين في مجال الموضة والأزياء، انا كتير سعيد اني احاور،

هبة يونس - مصممة ازياء
صاحبة ماركة هبة يونس
خريجة معهد أزياء في ميلانو

صابرين حسون طافش - منسقة ستايل شخصي ومهني وواجهات عرض
محاضرة في مجال الانطباع الأولي والتسويق الشخصي

لويزا زكنون - اختصاصية تجميل واختصاصية بعلاج البشرة
لقب اول تاريخ وتاريخ الفن
شهادات واستكمالات من كلية cms لعلاج البشرة


وليام نخلة - مصفف شعر
صاحب صالون وبوتيك ازياء
خبرة اكثر من 20 عام

الحوار الخاص
بدي أبدا مع هبه يونس، اهلا وسهلا فيكي في البرنامج وشكرا على حضورك، السؤال الأول هو هل الموضة والعمل بها في مجتمعنا بتشبه باقي العالم والا عنا اختلافات في كيف منتعامل مع هذا العالم؟

وهون بدي أضم صابرين حسون طافش، اهلا وسهلا فيكي في برنامج عالزووم وشكرا على تواجدك معنا، انت منسقة ستايل شخصي، يعني بتشتغلي نع ناس كيف يكون شكلهم وكيف يظهروا للناس، هل بجد في حاجة لمساعدة الناس في انهن يعرفوا شو يلبسوا وكيف يظهروا؟ وهل الوصول لعندك بضمن للشخص انه يتحسن من ناحية المظهر، وومين الناس الي بحاجة لهيك نوع تنسيق واستشارة؟

وهون بدي اضم للمحادثة وليام نخلة، اهلا وسهلا يك وشكرا على تواجدك معنا، وليام السؤال الك هو شو قصة التشطيب بالشعر عند الشباب، يعني انا فاهم انه في موضة، بس يعني هل كل موضة احنا لازم نلحقها؟ ومن وين اصلا وصلتنا موضة التشطيب هاي؟ وكيف بتصير التغييرات في الموضة وشو اهمها بآخر سنين؟

وأخيرا بدي اضم لويزا زكنون للمحادثة، اهلا وسهلا لويزا وشكرا على تواجدك معنا، السؤال لويزا هو، زمان كان الماكياج يتعلق بالأساس بالمناسبات السعيدة، يعني تتمكيج الصبايا على عرس معين وسهرة معينة، اليوم صار الاحساس انه كل يوم لازم الماكياج يكون كامل حتى لو فايقين وقاعدين باقي النهار بالبيت، ليش احنا بحاجة لماكياج يومياً؟


قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
anafalasteeni@musawachannel.com

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬

حلقات كاملة

كل الفيديوهات

برامج متعلقة

< كل البرنامج