مساواة عالزووم: المطبخ الفلسطيني، تاريخ امتداد واختلافات مع عامر حليحل

عالزووم - الحلقة الكاملة



انا انسان بحب يجرب اكل الشعوب، وفش مكان بوصله بالعالم الا وبدوّر على اكلته او اكلاته الشعبية، وبعد زيارة عدة بلاد بالعالم فهمت انه كل اكلنا كبشر مكوّن من نفس المكونات على الغالب والمختلف فيه هو التفسير في خلط المكونات وطريقة تحضيرها وطهيها، -كيف عم بحكي بصفة خبير، اقل انه يعني فاهم ودارس وباحث شو عم يحكي- المهم، اني بدوّر في كل محل بوصل عليه على وحدة من تفسيرات اكلة كتير كتير بحبها من البيت، الا وهي الكبة النية، وبما انه العالم مليان اليوم جاليات من كل بقاع الأرض وفي كل مكان، دايماً راح تلاقي بكل مكان اي اكلة بتعرفها، بضل الاسؤال مين عاملها ومن اي بلد جاييبها واي تفسير معطيها.. وارتباطي مع الكبة النية على ذمة الوالدة بلّش وانا عمري سنتين ونص تقريباً،- الحكاية تقول انه كان في طفل معجزة في شمال فلسطين عمره سنتين ونص ماسك عصورة كبّة حرّاقة، ينتش فيها ودموعه نازلة على خدودة وهو لم يخنع للهيب الفلفل الحار وصمد حتى اكل صحن الكبة الي قدامة- من وقتها الفلفل ملام كل وجبة باكلها تقريباً، والكبة النية اهم طبق في الحياة…
بس قبل ما اكبر واتطلع شوي عالعالم، الكبة ارتبطت عندي في البيت، في القرية، في اعراسها وافراحها، وكانت بالنسبة الي اكلة الها علاقة بالوطن المصغّر، وقعدت سنين طويلة انكرها حتى على الوطن الأكبر، ربيت في اجواء انه بس عنا في كبة نية منيحة، وانه ولا يمكن ان يخرج صحن كبة منيح من الناصرة او ام الفحم او القدس مثلاً.. خلص الكبة النية النا، النا وبس والباقي بعرفوش يعملوا كبة.. وكان في تعصّب للموضوع، لدرجة اني اول مرة انعزمت على كبة عند صاحب من شي قرية في مرج ابن عامر، اتصلت بإمي وصيّح عالتلفون انه كيف بسمحوا لحالهن يعملوا كبة هادول؟ احنا منعملش مناسف، هني ليش بعملوا كبة، الكبة من اختصاص الجليل الأعلى وبس!
ومع الوقت ولما فهمت انه في كبة بالموصل، وفي كبة بالشام، وتركيا عندها كبة يعجز اللسان عن وصفها، ويحلل المحللون انه في لبنان في كبة لا تضاهى حتى في اعالي الجليل..
السؤال هو ليش؟ ليش ضروري ننسب اكل النا، وليش ضروري نحدد هويتنا بطبخة، وهل اصلاً في مطبخ واحد لكل شعب، والا كلنا تأويلات وتفسيرات لمطبخ واحد عالمي.
يمكن صار ينفع نقول انه عنوان هاي الحلقة من برنامج عالزووم هو المطبخ الفلسطيني، تاريخ امتداد واختلافات
يلا عالزووم



تعريف واستقبال الضيوف

الأعزاء، مشاهدات ومشاهدي قناة مساواة،
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…

في هاي الحلقة من برنامج "عالزووم" راح يكون معي طهاة ومختصين في الأكل، انا كتير سعيد اني احاور،

أمير عنبتاوي - ماستر شيف
شيف دولي وحكم دولي للمسابقات المحلية والدولية لفنون الطهي
محاضر في مجال الطهي


منال قرمان
صاحبة مطعم البيت للأكلات الفلسطينية في ام الفحم
مرشدة بالطبخ العربي والاعشاب الفلسطينية واكلات بدون جلوتين

أحمد صفي
محاضر واستشاري تغذية طبيعية
حاصل على لقب ثاني بالصحة العامة وتطوير الصحة


يلا عالزووم



الحوار الخاص
بدي أبدا مع الشيف أمير عنبتاوي، أهلا وسهلا فيك في برنامج عالزووم وشكراً على وجودك معنا، السؤال الك هو كالتالي، الشعب الفلسطيني مر تاريخاً خلينا نسميه غير اعتيادي، نكبة ونكسة وتهجير وتقطيع، هل المطبخ الفلسطيني مرق الي مرقه الشعب، والا الأكلة شعبية على ما هي، بغض النظر عن ظروف البلاد؟ يعني انا لاجىء من صفورية في عين الحلوة بعمل المجدرة بالزبط متل لاجىء من صفورية موجود في الناصرة مثلاً!

وهون بدي اضم للمحادثة منال قرمان، اهلا وسهلا فيكي في البرنامج وشكراً على تواجدك معنا، انت طاهية فلسطينية محترفة، واحترافك المهني تابع للمبطخ الفلسطيني، لكن السؤال هو هل الطاهي او الشيف لازم يكون يعرف مكنونات الطبخ الشعبي الي هو بتبعله عشان يقدر يتبنى ويفهم ويعرف يطبخ اكل من ثقافة ثانية؟







قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬